5 мамыр күні филиал директоры Л.С. Қаиржанова СҚО бойынша Сыбайлас жемқорлыққа қарсы қызмет басшысының бірінші орынбасары Н.С. Жахинмен бірге Уәлиханов ауданына сапармен барды.
Мемлекеттік қызметшілермен бірлескен кездесу аудан әкімі Қ.С. Пішембаевтың қатысуымен өтті.
Кездесу барысында Лаура Советқызы Қайрат Сәкенұлына ҚР Президенті жанындағы Мемлекеттік басқару академиясының СҚО бойынша филиалымен ынтымақтастығы, мемлекеттік қызметшілермен кездесуді ұйымдастырғаны, ҚР Президенті жанындағы Мемлекеттік басқару академиясына түсу туралы баннерді аудан сайтының бас бетіне жыл сайын орналастырғаны үшін алғыс білдірді.
Директор қатысушыларға Академия филиалының қызметі, жоғары оқу орнынан кейінгі дайындыққа түсу ережелері, білім беру бағдарламалары, консалтинг бағыттары туралы айтып берді.
Кездесу қатысушыларына лефлеттер, Академияға түсу бойынша гидтер, ISO 21500-2014 “Жобаларды басқару бойынша басшылық» ұлттық стандарты бойынша оқыту және сертификаттаудан өту бойынша және ISO 37001 “Парақорлыққа қарсы іс-қимыл жүйесі» шеңберінде қызметтер көрсету бойынша ақпараттық парақтар таратылды.
Нұрлан Серікұлы өз кезегінде кездесуге қатысушылармен сыбайлас жемқорлыққа қарсы мәдениетті және парасаттылықты қалыптастырудағы заманауи тәсілдер туралы ақпаратпен бөлісті.
Бұл тақырып Қазақстан Республикасының 2022-2026 жылдарға арналған сыбайлас жемқорлыққа қарсы саясат тұжырымдамасын талдау арқылы егжей-тегжейлі ашылды.
Өткізілген іс-шара барысында сұрақтар қойылды, оларға спикерлер толық жауап берді.
Құрметті Солтүстік Қазақстан облысының мемлекеттік қызметкерлері!
Магистратураға және докторантураға түсуге құжаттарды @apa.kz сайтына тапсыру мерзімі 23 шілдеге дейін.
