Ағымдағы аптада филиал директоры Л.С. Каиржанова ҚР Сыбайлас жемқорлыққа қарсы іс-қимыл агенттігінің СҚО бойынша департаменті басшысының бірінші орынбасары Н.С. Жахинмен бірге Ақжар ауданының мемлекеттік қызметшілерімен кездесті.
Кездесу аудан әкімі Қ.Қ. Қалиевтің қатысуымен өтті.
Мемлекеттік қызметшілерді кәсіби жетілдіру перспективалары туралы диалог барысында Лаура Советқызы қатысушыларға Академияның магистратура/докторантура бағдарламалары және оқуға түсуге қойылатын негізгі талаптар туралы ақпаратты жеткізді. Әрқайсысына жеке конкурстық іріктеу кезеңдері, оқу барысы, шетелдік тағылымдама, тұру және т.б. туралы толық жауаптар берілді.
Нұрлан Серікұлы кездесуге қатысушыларды Қазақстан Республикасының 2022-2026 жылдарға арналған сыбайлас жемқорлыққа қарсы саясат тұжырымдамасына егжей-тегжейлі талдаумен таныстырды, комплаенс-қызмет, сыбайлас жемқорлыққа қарсы мәдениет, ISO 37001, Мемлекеттік басқару академиясының филиалында осы бағыт бойынша оқу мүмкіндігі туралы ақпарат ұсынылды, кейстерге талдау жүргізілді.
Қорытындысында Лаура Советқызы Қанат Қайыржанұлына Академия филиалымен ынтымақтастығы және жыл сайын ҚР Президенті жанындағы Мемлекеттік басқару академиясына түсу туралы баннерді Ақжар ауданы сайтының басты бетіне орналастырғаны үшін алғыс айтты.
