Қазақстан Республикасы Президентінің жанындағы Мемлекеттік басқару Академиясы-Мемлекеттік қызметшілерді оқытуды, қайта даярлауды және олардың біліктілігін арттыруды қамтамасыз ететін елдегі жалғыз жоғары оқу орны.
Академия филиалы қызметінің мақсаты Академияның Солтүстік Қазақстан облысы аумағында академияның оқшауланған құрылымдық бөлімшесі ретіндегі функцияларын жүзеге асыру, Академияның мүдделерін білдіру және қорғау болып табылады.
Миссиясы:
Инновациялық, стратегиялық ойлауға қабілетті, мемлекеттің стратегиялық міндеттерін тиімді шешуге қабілетті мемлекеттік қызметшілердің жаңа буынын қалыптастыру.
Міндеттері:
- Мемлекеттік қызметшінің сана-сезімін өзгертетін және көшбасшылық қасиеттер мен болашақ құзыреттерді дамытатын қысқа мерзімді практикаға бағытталған оқыту бағдарламаларын әзірлеу, ұйымдастыру және ілгерілету
- Білім беру үдерісіне инновациялық технологияларды енгізу.
Академия филиалы қызметінің мәні:
интерактивті және қашықтықтан оқыту технологияларын қолдана отырып, нәтижеге бағдарланған мемлекеттік және азаматтық қызметшілерді оқыту бағдарламаларын жетілдіру;
мемлекеттік және азаматтық қызметшілерді кәсіптік оқытумен айналысатын жақын және алыс шетелдердегі білім беру ұйымдарымен халықаралық ынтымақтастықты кеңейту;
ғылыми-зерттеу жұмыстарын жүргізу, ғылыми-зерттеу жобаларын әзірлеу және іске асыру;
білім алушылар құрамындағы өңірлік өкілдіктің үлесін ұлғайту мақсатында Академияға өңірден үміткерлерді қабылдауға дайындық;
филиалдың 2020-2023 жылдарға арналған қаржылық тұрақтылығын қамтамасыз ету
