«Адам назарда!»
Осындай ұранмен 7-11 ақпан аралығында «Дизайн – ойлау және адамдарға бағдарлану» біліктілікті арттыру семинары ұйымдастырылып, өткізілді.
Шынында да, біз жасайтын барлық нәрсе – оқыту, емдеу, құру және т. б. – адамның пайдасына бағытталуы керек! Қазақстан Республикасының мемлекеттік қызметі халыққа қызмет етуге, халықтың өмір сүру сапасын арттыруға бағдарланған. Сондықтан мемлекеттік қызметшілер нақты адамдардың қажеттіліктерін түсінуге бағытталған тиісті қабілеттерге, құзыреттерге ие болуы керек. Қажетті мемлекеттік қызметтерді құру және көрсету үшін оларға не қажет екенін білу маңызды.
Сабақ барысында мемлекеттік қызметшілер ықтимал өмірлік жағдайларға ену арқылы белгілі бір дәрежеде «өмір сүре» алды, азаматтарда болуы мүмкін проблемаларын сезіне алды. Бұл ойлау дизайнының («Стейкхолдерлер картасы», «Мокасиндер», «Эмпатия картасы», «Рoint of view» және т.б.) клиентке бағдарланған құралдарын игеру, ойлау дизайнының әрбір нақты кезеңін тереңдетіп зерделеу және тұтынушылардан кері байланыс алу тетіктерін зерттеу («сторителлинг») арқасында мүмкін болады.
Тыңдаушылар нейробиологияның практикалық маңыздылығымен танысып, арнайы жаттығулар топтамасының көмегімен («Үйреншікті емес», «Генералдың сәлемі», «Саңырауқұлақ және алаңқай», «Струпе тесті», «Друдлы» және т.б.) жаттықтыру мүмкіндігіне ие болды.
Ойлау дизайн дағдыларын дамытумен қатар мемлекеттік қызметшілер Қазақстан Республикасының мемлекеттік қызмет жүйесіне инновацияларды енгізудің қазіргі жай-күйін, стратегиялық жоспарлау тетіктерін және мемлекеттік басқарудың адамдарға бағдарлану моделін қалыптастыруды зерделеді.
