Бүгін 2022 жылдың 10 наурызы күні ҚР Президенті жанындағы мемлекеттік басқару Академиясының СҚО бойынша филиалы Академияның магистратура, докторантура бағдарламаларына түсуге ниеттенген мемлекеттік қызметшілермен кездесу өткізді.
Кездесуді филиал директоры Л.С.Қайыржанова ашып, бүгінгі ақпараттық-сессияның маңыздылығы мен өзектілігіне тоқталды. Кездесуге Қазақстан Республикасының мемлекеттік қызмет істері агенттігінің Солтүстік Қазақстан облысы бойынша департаментінің басшысы Е.Ф.Степаненко қатысып, «Мемлекеттік қызметшілердің кәсіби деңгейін арттыру» тақырыбында баяндама жасады.
Сондай – ақ кездесуге Академия түлегі, КММ «Петропавл қаласы әкімінің аппараты» басшысы К.Б.Туренова мемлекеттік қызметшілерге Академияда оқу барысындағы өз тәжірибесімен бөлісті. Мемлекеттік қызметшілерді кәсіби дамыту мәселесі мемлекеттік қызмет пен кадр саясаты жүйесіндегі түйінді мәселелердің бірі екендігін атап өтті. Жастарды заман талабына сай өмір сүру үшін оқуға, өзін-өзі дамытуға шақырды.
Филиалдың аға оқытушысы Б.Д. Оспанова мемлекеттік қызметшілерді оқуға қабылдау қағидаларымен таныстырып, аудиторияның қойған сұрақтарына жауап берді.
Кездесуге онлайн форматында қатысқан аудандық персоналды басқару қызметі басшылары да өз сұрақтарын қойып, толыққанды жауап алды.
