«ADEP LIVE» АШЫЛУЫ
Ү.ж. 28 наурызында «Қызылжар» телеарнасының студиясында ҚР Президенті жанындағы Мемлекеттік басқару академиясы филиалының директоры Л. С. Каиржанованың қатысуымен «ADEP LIVE» диалог алаңының ашылуы өтті.
ҚР Мемлекеттік қызмет істері агенттігінің СҚО бойынша департаментінің басшысы Е.Ф. Степаненко мемлекеттік қызметшілердің Әдеп кодексіндегі өзгерістер, мемлекеттік қызметшілердің әдепсіз мінез-құлқының салдары туралы айтып берді.
СҚО әкімі аппаратының әдеп жөніндегі уәкілі С.М. Серікбаев студияға қатысушыларды және онлайн-режимде қосылған облыс аудандарының әдеп жөніндегі уәкілдерін әдеп жөніндегі уәкілдердің атқарып жатқан жұмыстары туралы хабардар етіп, жаңа уақыттағы мемлекеттік қызметші туралы өз ойымен бөлісті.
Академия филиалының директоры Л.С. Каиржанова мемлекеттік қызметшілердің Әдеп кодексін сақтауы ЕРК-де базалық ретінде белгіленген «парасаттылық» құзыретінің негізіне алынғанын атап өтті. Ол мемлекеттік қызметшілерді курстар мен семинарларда оқыту процесіне құзыреттілікпен қарау, академия филиалы базасында барлық мемлекеттік органдардың әдеп жөніндегі уәкілдерін бес бағыт бойынша оқыту туралы айтты:
– жанжалды жағдайларды шешу;
– стресске төзімділік;
– қарым-қатынас психологиясы;
– шешендік өнер;
– медиация.
Өткен жылы аудан әкімі аппараттарының әдеп жөніндегі уәкілдері этика, тайм-менеджмент, шешендік өнер мәселелері бойынша қайта даярлау курстарының тыңдаушыларына кездесулер, дәрістер өткізді. Спикерлер: Қызылжар ауданы әкімінің орынбасары А.А. Нұрғалиева; Ғ. Мүсірепов атындағы аудан әкімінің орынбасары Д. А. Анафина; М. Жұмабаев ауданы әкімінің орынбасары С. М. Әріпхан; Мамлют ауданы әкімінің орынбасары А. К. Рамазанова болды. Оқу жоспарларына/бағдарламаларына сәйкес курстарда/семинарларда келесі пәндер/тақырыптар көзделген – «Мемлекеттік қызметтегі құндылықтар», «Этика және парасаттылық», «Сыбайлас жемқорлыққа қарсы мәдениет және парасаттылық», «Мемлекеттік қызметшінің этикасы мен имиджі» және т. б. осы пәндер/тақырыптар бойынша сабақтарды бізде конкурстан өткен лекторлар жүргізеді – Е. Ф. Степаненко, МҚІАД басшысы; Н.С.Жахин, СҚО бойынша Сыбайлас жемқорлыққа қарсы қызметінің бірінші орынбасары, С. М.Серікбаев, СҚО әкімі аппаратының әдеп жөніндегі уәкілі.
Ағымдағы жылы қайта даярлау курстарының оқу жоспарларына өзгерістер енгізілді – мемлекеттік қызметтің құндылықтары, мемлекеттік қызметшілер қызметінің моральдық, этикалық және адамгершілік бағдарларының негіздері туралы мотивациялық дәріс енгізілді.
Қорытындылай келе, өткізілген оқыту, кездесулер, мемлекеттік қызметшілерге арналған мотивациялық дәрістер олардың кәсіби қызметіне қажетті жеке құзыреттерін арттыруға мүмкіндік беретіні атап өтілді.
