4 ақпанда Академия филиалында мемлекеттік қызмет істері агенттігінің Солтүстік Қазақстан облысы бойынша департаментімен бірлесіп «Мемлекеттік қызмет мектебі» жобасы басталды.
Облыстық департамент басшысы, Е. Ф. Степаненко және филиал директоры, Л. С. Каиржанова құттықтау сөз сөйледі.
Лаура Советқызы филиалдың оқытушылар құрамының сабақ өткізуі туралы, ҚР Президенті жанындағы Мемлекеттік басқару академиясына түсу мүмкіндігі туралы ақпаратқа қысқаша шолу жасады.
«Мемлекеттік қызмет мектебі» – университеттен немесе колледжден кейін мемлекеттік қызметші болуды армандайтын жастарға арналған жоба. Осы жоба аясында оқушылар мемлекеттік басқару негіздерін үйренеді, кәсіби құзыреттерді қалыптастыру бойынша оқудан, түрлі тренингтерден, сондай-ақ мемлекеттік органдарда тағылымдамадан өтеді.
Курс аяқталғаннан кейін әрбір қатысушыға арнайы сертификат беріледі, ол мемлекеттік қызметке жұмысқа орналасу үшін конкурстық рәсімдерге қатысу кезінде қосымша артықшылық болады.
